जापानसँगको द्विपक्षीइ हवाई सेवा सम्झौता नविकरण नहुँदा काठमाडाैंबाट सिधा उडान गर्ने योजनाबाट पछि हटेको नेपाल एयरलाइन्सलाई सम्झौता नविकरण भएसँगै सहज भएको छ।
सरकारी स्वामित्वको नेपाल एयरलाइन्सले ल्याउँदै गरेका एयरबस ३३० वाइडबडी जहाजबाट जापान तथा काेरिया उडान गर्ने घोषणा गरेपनि द्विपक्षीय हवाई सेवा सम्झौता नविकरण नहुँदा उडान अनुमति पाउन सकेको थिएन।
संस्कृति पर्यटन तथा नागरिक उड्डयन मन्त्रालयका सचिव नेतृत्वको टोलीले जापन पुगेर हवाई सम्झौता पुनरावलोकनमा हस्ताक्षर गरेपछि एयरलाइन्सलाई उपयुक्त ठाउँमा उडान गर्न सहज भएको हो।
यसअघि नेपाली एयरलाइन्सले जापानको ओसाका विमानस्थलमामात्र उडान गर्नसक्ने व्यवस्था थियो। यद्यपी त्यही पनि सम्झौता नविकरण नहुँदा नेपाल एयरलाइन्सले उडान अनुमतिको प्रक्रिया सुरु गर्न सकेको थिएन।
एयरलाइन्सले पहिलो वाइडबडी यही असार १४ गते काठमाडौं ल्याउँदै छ। उसले उक्त जहाजबाट पहिले दक्षिण कोरियाको इन्चोन विमानस्थलमा गर्ने योजना बनाएको थियो। यद्यपी अव उक्त जहाजबाट पुरानै गन्तव्यमा उडान हुने एयरलाइन्सले जानकारी दिएको छ।
काठमाडौंबाट जापान, अष्टे«लिया तथा युरोपीयन सहरमा सिधा उडान गर्ने योजनासहित एयरलाइन्सले वाइडबडी जहाज खरिद गरेको हो।