अाजदेखि नेपाल हाइड्रो डेभलपरको अाईपीअो खुला


नेपाल हाइड्रो डेभलपरले  शुक्रबार(अाज) देखि तीन लाख ९० हजार कित्ता साधारण शेयर निष्कासन गर्ने भएको छ ।

कम्पनीका अनुसार  एक सय रुपैयाँ अंकित मूल्यका  तीन करोड ९० लाख रुपैयाँ मूल्य बराबरको शेयर निष्कासन गर्न लागिएको हो । कम्पनीको शेयर निष्कासन तथा विक्री प्रबन्धक एनएमबी क्यापिटल छ ।

कम्पनीका प्रमुख एवम् ऊर्जा उद्यमी ज्ञानेन्द्रलाल प्रधानले साधारण शेयरका लागि ‘आस्बा प्रणाली’मार्फत मात्र आवेदन गर्नुपर्ने जानकारी दिए । नेपाल धितोपत्र बोर्डले यही साउन १ गतेदेखि सार्वजनिक निष्कासनमा आस्बा प्रणाली अनिवार्य गरेको छ ।

आफ्नो खाता भएको बैंक तथा वित्तीय संस्थामार्फत नै साधारण शेयरमा आवेदन दिन सकिने छ । सबै आवेदकलाई १० कित्ता शेयर अनिवार्य रुपमा बाँडफाँट गर्नुपर्ने नयाँ व्यवस्थाले गर्दा आवेदन दिने सबैलाई साधारण शेयर पर्नेछ । उक्त कम्पनीले दोलखामा ३.५२ मेगावाट क्षमताको चर्नावती जलविद्युत् आयोजना निर्माण गरिसकेको छ ।

कम्पनीले यसअघि गत मंसिरमा दोलखाका आयोजना प्रभावितलाई दुई लाख ६० हजार कित्ता साधारण शेयर  विक्री गरि बाँडफाँट गरिसकेको छ । रासस

Share:

प्रतिकृया दिनुहोस

© 2017 Setopati Sanchar Pvt. Ltd.