देव विकास बैंकले साझा विकास बैंकलाई आफूमा विलय गर्ने प्रस्ताव पारित गर्न भदौं १ गते विशेष साधारण सभा बोलाएको छ । त्यसैगरी, साझा विकास बैंकले पनि सोही प्रस्ताव पारित गर्न भदौं १ गते नै साधारण सभा बोलाएको छ ।
१० करोड रुपैयाँ चुक्ता पूँजी रहेको साझालाई एक बराबर एकको अनुपातमा शेयर आदान प्रदान गर्ने प्रस्ताव साधारण सभाले पारित गर्दैछ । देवले गत आर्थिक वर्षमा ५० प्रतिशत हकप्रद तथा अघिल्लो आर्थिक वर्षको १४ प्रतिशत बोनस वितरण गरेको थियो ।
चुक्ता पूँजी अढाई अर्ब पुर्याउने क्रममा रहेको देवले यस अघि यूनियन फाइनान्सलाई विलय गर्न विशेष साधारण सभा बोलाएको थियो । उक्त साधारण सभाबाट बैंकले ४० प्रतिशत हकप्रद निष्कासन गरेर चुक्ता पूँजी अढाई अर्ब पुर्याउने निर्णय गरेको थियो ।
