करिब १० अंकले बढ्यो नेप्से


मंगलबार सेयर बजारको परिसूचक ९ दशमलव ९ अंकले बढेको छ। सो अंकको वृद्धिसँगै नेप्से १५५१ अंकमा पुगेको छ। यस दिन १३८ कम्पनीको ४८ करोड २९ लाख रुपैयाँको कारोबार भयो।

यस दिन बैंकिङ ९ दशमलव ९, विकास बैंक १४, जलविद्युत २०, फाइनान्स २ र बिमा समूह ५० अंकले बढेका छन्। अन्य समू १ अंकमुनि धनात्मक रह्यो। होटल ६ र उत्पादन समूह ३ अंकले घटे।

कारोबारका आधारमा नेपाल लाइफ इन्स्योरेन्स अग्रस्थानमा रह्यो। सो कम्पनीको ४ करोड ७९ लाखको कारोबार भयो। दोस्रोमा रहेको सानिमा बैंकको ३ करोड ७५ लाखको कारोबार भयो। रुरल माइक्रोफाइनान्सको मूल्य ६ प्रतिशतले बढे भने अन्य कमाउनेहरुको वृद्धिदर ४ प्रतिशतमुनि रह्यो। वर्ल्ड मर्चेन्ट बैंकिङ एण्ड फाइनान्सको मुल्य सबैभन्दा धेरै ४ प्रतिशतले घट्यो।

Share:

प्रतिकृया दिनुहोस

© 2017 Setopati Sanchar Pvt. Ltd.