सेयर कारोबार भएको दुई दिनभित्रै लगानीकर्ताले पैसा बुझाउनुपर्ने


अब दोस्रो बजारमा कारोबार भएको दुई दिनभित्रै लगानीकर्ताले सेयरवापतको पैसा सम्वन्धित ब्रोकर कम्पनीहरुलाई बुझाइसक्नुपर्ने भएको छ।

मल्टिपल क्लियरिङ बैंकमार्फत राफसाफ हुन थालेसँगै सिडिएस एण्ड क्लियरिङले लगानीकर्ताका लागि ‘टी प्लस टु’ को व्यवस्था लागू गरेको हो। बुधबारदेखि यो व्यवस्था लागू भएको क्लियरिङले स्पष्ट पारेको छ।

यदी दुई दिनभित्र सेयर किनेवापतको रकम नबुझाएमा कारबाहीको भागीदार लगानीकर्ता हुनुपर्ने उसले स्पष्ट पारेको छ। त्यस्तै सेयर बेचेवापत डिआइएस (सेयरको चेक) पनि दुई दिनभित्रै बुझाउनुपर्नेछ।

राफसाफ सदस्य तथा निक्षेप सदस्यहरुले पनि लगानीकर्तालाई मर्का नपर्नेगरी कार्यविधिमा तोकिएबमोजिम दायित्व पुरा गर्नुपर्नेमा जोड दिइएको छ।

 

Share:

© 2017 Setopati Sanchar Pvt. Ltd.