बजारमा खरबुजाको सिजन सुरू भएको छ।
नेपाल फलफूल थोक व्यवसायी संघ, काठमाडौंका उपाध्यक्ष मेघनाथ चौलागाईंका अनुसार फागुन अन्तिम तथा चैत पहिलो सातादेखि खरबुजाको मुख्य सिजन सुरू हुन्छ।
'सिजनमा नेपाली उत्पादन आउँछ,' उनले भने।
उनका अनुसार अहिले बजारमा खरबुजा बाह्रै महिना आउँछ। सिजनको बेला नेपाली उत्पादन आउँछ भने अफसिजनको बेला भारतीय उत्पादन आउँछ।
नेपाली उत्पादन आउन थालेपछि भारतीय उत्पादन नआउने उनले जानकारी दिए।
'नेपाली सस्तो हुन्छ। भारतीय महँगो हुन्छ,' उनले भने, 'सस्तो नै भएपनि ग्राहकले नेपाली उत्पादन नै रूचाउँछन्।'
उनका अनुसार अहिले होलसेलमा खरबुजा ५० देखि ५५ रूपैयाँ किलो छ। उपभोक्ताले भने ९० देखि एक सय रूपैयाँसम्म किनिरहेका छन्।
-1746009348.jpg)
