सबै निर्जीवन बीमा कम्पनीहरुले यस आर्थिक वर्षको तेस्रो त्रैमासिक वित्तीय विवरण सार्वजनिक गरेका छन्। सार्वजनिक भएको अपरिस्कृत वित्तीय विवरण पछि पुनःलेखाकंन गर्दा केही तलमाथि भने पर्न सक्नेछ।
सार्वजनिक वित्तीय विवरणअनुसार चैत मसान्तसम्म शिखर इन्स्योरेन्सले सबैभन्दा धेरै ३६ करोड ३३ लाख रुपैयाँ खुद नाफा कमाएको छ। वित्तीय विवरणअनुसार पछिबाट थपिएका नयाँ कम्पनीको नाफा उत्साहजनक देखिन्छ।
यद्यपि केही पुराना कम्पनीले पनि नाफामा छलाङ मारेका छन्। युनाइटेड इन्स्योरेन्सको नाफाको वृद्धिदर सबैभन्दा उच्च छ। कम्पनीले एक वर्षको अवधिमै ३३५ प्रतिशतले नाफा बढेको विवरण सार्वजनिक गरेको छ।
राष्ट्रिय बीमा कम्पनी र हिमालयन जनरल इन्स्योरेन्सको नाफा भने खुम्चिएको छ। ती दुई बाहेक सबै कम्पनीको नाफा बढेको छ।
प्रतिसेयर आम्दानीका आधारमा भने राष्ट्रिय बीमा कम्पनी अग्रस्थानमा छ। कम्पनीको प्रतिसेयर आम्दानी १३५ रुपैयाँ छ। युनाइटेड इन्स्योरेन्सको प्रतिसेयर आम्दानी भने सबैभन्दा कम ५ रुपैयाँ १३ पैसा छ।
कम्पनीहरु | नाफा चैत ०७७ | नाफा चैत ०७६ | वृद्धिदर | प्रतिसेयर आम्दानी |
प्रुडेन्सियल | १२ करोड ७३ लाख | ९ करोड ६ लाख | ४० | १६ रुपैयाँ ५४ पैसा |
युनाइटेड | ५ करोड २७ लाख | १ करोड २१ लाख | ३३५ | ५ रुपैयाँ १३ पैसा |
सगरमाथा | २८ करोड ५४ लाख | १७ करोड ४१ लाख | ६३ | ३८ रुपैयाँ २ पैसा |
हिमालयन जनरल | ९ करोड १० लाख | ११ करोड २५ लाख | (१९) | ११ रुपैयाँ ३६ पैसा |
प्रिमियर | २८ करोड ९६ लाख | १९ करोड ४ लाख | ५२ | ३५ रुपैयाँ ९४ पैसा |
सानिमा | ५ करोड ८१ लाख | २ करोड ८९ लाख | १०१ | ७ रुपैयाँ ८० पैसा |
सिद्धार्थ | १७ करोड | १६ करोड ३ लाख | ६ | २२ रुपैयाँ ६८ पैसा |
अजोड | ६ करोड ११ लाख | ३ करोड | १०३ | ८ रुपैयाँ १५ पैसा |
एभरेष्ट | १४ करोड ८२ लाख | १३ करोड ३३ लाख | ११ | १८ रुपैयाँ ४ पैसा |
जनरल | ६ करोड ३६ लाख | ३ करोड ६ लाख | १०७ | ८ रुपैयाँ ४९ पैसा |
आइएमई जनरल | १८ करोड ८५ लाख | १० करोड ७३ लाख | ७५ | २३ रुपैयाँ २४ पैसा |
लुम्बिनी जनरल | १३ करोड ७७ लाख | १२ करोड ४ लाख | १४ | १६ रुपैयाँ ८ पैसा |
नेको | ३५ करोड ९ लाख | २४ करोड १० लाख | ४५ | ३५ रुपैयाँ ५२ पैसा |
नेपाल | १७ करोड १ लाख | १३ करोड ४० लाख | २६ | १९ रुपैयाँ ७२ पैसा |
एनएलजी | २१ करोड २८ लाख | १५ करोड ७३ लाख | ३५ | २५ रुपैयाँ ८८ पैसा |
प्रभु | १५ करोड ९८ लाख | १५ करोड २२ लाख | ५ | १५ रुपैयाँ |
राष्ट्रिय बीमा | २७ करोड १२ लाख | ५३ करोड ४३ लाख | (४९) | १३५ रुपैयाँ |
शिखर | ३६ करोड ३३ लाख | ३२ करोड ९५ लाख | १० | २७ रुपैयाँ ९३ पैसा |
