नेपाल राष्ट्र बैंकले आफ्नो नाममा रहेको नेपाल स्टक एक्सचेन्ज (नेप्से) को शेयर लिलामी गर्ने भएको छ।
अहिले नेप्सेमा राष्ट्र बैंकको १७ लाख २९ हजार ९ सय ८९ कित्ता शेयर राष्ट्र बैंकले यो सबै शेयर लिलामी गर्न लागेको हो। नेप्सेको शेयरमा नेपाल सरकारको ५८.६६ र राष्ट्र बैंकको ३४.६० प्रतिशत शेयर छ । यो बाहेक नेप्सेमा एनआईडिसीको ६.१२ तथा ब्रोकरको ०.६२ प्रतिशत हिस्सा छ ।
सरकारले बनाएको वित्तीय क्षेत्र विकास रणनीतिमा आर्थिक वर्ष २०७४÷७५ भित्र नेप्सेको स्वामित्व पूर्ण रुपमा हस्तान्तरण गर्ने उल्लेख थियो ।
लिलाम प्रक्रियामा सहभागी हुन मंलबारदेखि (असार ३१) गतेदेखि भदौ २ गतेसम्म आवेदन दिनुपर्ने छ । यसका लागि बैंक, वित्तीय संस्था, धितोपत्र व्यवसायी तथा सूचीकृत संगठित संस्थाहरुलेमात्र आवेदन दिन सक्ने छन् ।
शेयर खरिदको लागि आवेदनगर्दा नेप्सेको कूल शेयर पुँजीको कम्तिमा ५ प्रतिशत र बढीमा १० प्रतिशतसम्म हुनु पर्ने छ । राष्ट्र बैंकले प्रति कित्ता शेयरको न्यूनतंम मूल्य १ हजार ३२ रुपैयाँ तोकेको छ ।
