अहिले विश्वको सबैभन्दा धनीको सूचीमा छन् जेफ बेजोस।
सन् २०१९ को सुरुवातमा उनीसँग १ सय ३१ विलियन अमेरिकी डलर रहेको फोब्सले सार्वजनिक गरेको छ । सन् १९९४ मा घरबाटै किताव बिक्रीगर्दै बेजोसले अनलाइन कारोबार सुरु गरेका थिए।
अहिले त्यही कम्पनी विश्वको सबैभन्दा ठूलो इ–कमर्स कम्पनी बनेको छ । पछिल्लो तथ्याङक अनुसार जेफ बेजोसको कम्पनी अमेजनले मात्रै विश्व इ–कमर्समा ४५ प्रतिशत हिस्सा ओगटेको छ।
जुलाइ ५ मा कम्पनी सुरु भएको २५ वर्ष पुगेको छ । सन् २०१८ मा अमेजन विश्वको सबैभन्दा ठूलो अनलाईन कम्पनी बनेको हो। ५२४ अर्ब डलरको सामान विक्री गर्दै विश्वको सबैभन्दा ठूलो अनलाईन कम्पनी बनेको थियो।
अहिले कम्पनीको सम्पत्ति १ लाख करोड अमेरिकी डलर भएको छ। जुन अनलाइनमा मात्रै नभएर विश्वका सबै किसिमका कम्पनीमा दोस्रो ठूलो कम्पनी भएको छ ।
सन् १९९४ मा ३ जना साथी मिलेर खोलेको कम्पनीमा अहिले साढे ६ लाख कर्मचारी छन् । कम्पनी सुरु भएको तीन वर्षपछि सर्वसाधारणको लागि शेयर बिक्री सुरु गरेको अमेजनले ९९१ गुणाले शेयर मूल्य बढाएको छ।
शेयर बेच्दा कम्पनीको शेयर प्रतिकित्ता १.९६ डलर थियो । आज सोही शेयरको मूल्य १ हजार ९ सय ४२.९१ अमेरिकी डलर पुगेको छ ।
सन् १९९९ मा टाइम म्यागेजिनले अमेजनकै कारण जेफ बेजोसलाई ‘पसर्न अफ दि इयर, द किंग अफ साइवर कमर्स’को उपमासमेत दिएको थियो ।