सांग्रिला डेभलपमेन्ट बैंकले ‘बचत पनि विमा पनि’ नामक नयाँ बचत खाता संचालनमा ल्याएको छ।
यस अन्तगर्तत जीवन सुरक्षा (सरल), जीवन सुरक्षा (रजत) तथा जीवन सुरक्षा (स्वर्णिम) गरी थप ३ वटा नयाँ बचत खाताहरु रहेका छन्।जस अन्तर्गत ती खाताहरु खोल्ने ग्राहकलाई जम्मा १६ लाख रुपैयाँसम्मको विमाको व्यवस्था गरिएको छ।
बैंकको अनुसार खाताको प्रकृति हेरी दुर्घटना विमा, औषधि उपचार विमा तथा घाटक रोगको उपचार वीमा सम्बन्धी सुविधाहरु रहेका छन्।
यो खाता खोल्दा ग्राहकले मासिक ७ प्रतिशत ब्याज प्राप्त गर्न सक्नेछन् भने न्यूनतम मौज्दात ५ हजार, १५ हजार तथा २५हजार रहेका छन्।यो खाता खोल्नेले लकर सुविधामा विषेश छुट, निशुल्क एबिबिएस तथा एटिएम भिसा कार्ड, मोबाईल बैंकिङ्ग तथा इन्टरनेट बैंकिङ्गमा १ वर्षको लागि निशुल्क सुविधा प्राप्त गर्न सक्नेछन्।
बैंकका हाल ८५ शाखा संचालनमा छन्।
