बैंकहरुले सार्वजनिक गर्न थालेको तेस्रो त्रैमासिक वित्तीय विवरणअनुसार माछापुच्छ्रे बैंकको नाफा ४२ प्रतिशतले बढेको छ।
बैंकले गत आर्थिक वर्षको तेस्रो त्रैमाससम्म ८५ करोड ४० लाख रुपैयाँ खुद नाफा कमाएकोमा यस पटक सोही अवधिमा १ अर्ब २४ करोड कमाएको छ।
८ अर्ब ५ करोड चुक्ता पुँजी रहेको बैंकले चैत मसान्तसम्म ग्राहकलाई ७४ अर्ब ९८ करोड कर्जा प्रवाह गरेको छ भने ८१ अर्ब १६ करोड निक्षेप संकलन गरेको छ।
बैंकको प्रतिसेयर आम्दानी २० रुपैयाँ ४६ पैसा छ। बैंकको सिसिडी रेसियो भने ७७ प्रतिशत पुगेको छ।