हिमालयन उर्जा बिकास कम्पनीले आफ्नो साधारण शेयर बैशाख २० गते देखि खुल्ला गर्ने भएको छ।
कम्पनीले आफ्नो जारी पुँजीको १५ प्रतिशत अर्थात १४ करोड ८५ लाख रुपैयाँको शेयर सर्वसाधारणको लागि खुल्ला गरेको हो। कम्पनीको जारी पुँजी ९९ करोड रुपैयाँ छ।
सय रुपैयाँ अंकित दरमा खुल्ला गरिएको शेयर कर्मचारीका लागि ४४ हजार ५५० कित्ता छुट्याइएको छ। ७४ हजार कित्ता शेयर सामूहिक लगानी कोषको लागि बाँडफाँड गरिएको कम्पनीको भनाइ छ।
संस्थापक, सञ्चालक तथा आयोजना प्रभावित क्षेत्रका बासिन्दालाई यस अघि नै बिक्री भइसकेकाले उनीहरुले अहिले आवेदन दिन पाउने छैनन्।
आवेदन छिटोमा चैत २५ गते र ढिलोमा बैशाख १९ गते सम्म दिन सकिने छ।
दरखास्त दिँदा न्यूनतम ५० कित्ता र अधिकतम ६ हजार ५ सय कित्ता शेयरका लागि दिन पाइने छ। आफ्नो बैंक खाता भएका जुनसुकै शाखाबाट आवेदन दिन सकिने छ।