सिटिजन्स बैंक इन्टरनेसनलले गणेशराज पोखरेललाई प्रमुख कार्यकारी अधिकृतमा नियुक्त गरेको छ।
पोखरेल बैंकको कायम मुकायम प्रमुख कार्यकारी अधिकृतको रूपमा काम गर्दै आएका थिए। उनलाई आगामी ४ वर्षको कार्यकालका लागि नियुक्त गरिएको बैंकले जनाएको छ।बैंकको २९५ औं सञ्चालक समितिको बैठकले उनलाई नियुक्त गरेको हो।
तत्कालिन प्रमुख कार्यकारी अधिकृत राजनसिंह भण्डारीको समयावधि समाप्त भएपछि पोखरेलले कायम मुकायम प्रमुख कार्यकारी अधिकृतको रुपमा बैंकको नेतृत्व सम्हाल्दै आएको थिए।
बैंकिङ क्षेत्रमा एक अनुभवी बैंकरका रूपमा परिचित पोखरेलले त्रिभुवन विश्व विद्यालयबाट मार्केटिङमा स्नातकोत्तर, कानुनमा स्नातक तथा काठमाडौं विश्व विद्यालयबाट वित्त व्यवस्थापन विषयमा स्नातकोत्तर गरेका छन्।
उनको व्यवस्थापन क्षेत्रमा २५ वर्ष बढी अनुभव भएको बैंकले जानकारी दिएको छ।