गलोबल आइएमई बैंकले हाथवे फाइनान्स कम्पनीलाई प्राप्ति (एक्विजिशन) गर्ने सहमती भएको छ।
बैंकको पुँजीगत आधार सुदृढ गरी प्रतिस्पर्धात्मक क्षमताको विकासका साथै बैंकको कारोवार समेत बृद्धि गर्नका लागि सहमती गरेको जनाएको छ।
नेपाल राष्ट्र बैंकले बैंक तथा वित्तीय संस्था अझ सुदृढ गराउन लिएको मर्जर तथा एक्विजिशन नीतिलाई अनुसार फाइनान्स कम्पनी प्राप्त गरेको हो।
सहमतिपत्रमा बैकका मर्जर तथा एक्विजिशन समिति सदस्य सुर्दशन श्रेष्ठ र फाइनान्सका मर्जर तथा एक्विजिशन समिति सदस्य नवराज नेपाले हस्ताक्षर गरे।
उक्त एक्विजिशन कार्य ३ महिना भित्रमा सम्पन्न गर्ने बैंकको भनाइ छ। हाथवे फाइनान्सको कुल चुक्ता पुँजी ३० करोड रुपैयाँ रहेको छ ।
ग्लोबल आईएमई बैंकले यसअघि कर्मज एण्ड ट्रष्ट बैंक, आईएमई फाइनान्सियल इन्स्टिच्युसन, गुल्मी विकास बैंक, सोसियल डेभलपमेन्ट बैंक,
प्यासिफिक डेभलपमेन्ट बैंक, रिलायबल डेभलपमेन्ट र लर्ड बुद्ध फाईनान्स, संग सफल मर्जर गरिसकेको छ ।
बैंकका देसभरि १३४ शाखा, १५ राजश्व संकलन काउण्टर, १४२ एटिएम, ९ वटा एक्सटेन्सन काउण्टर तथा १२१ शाखा रहित बैंकिङ्ग सेवा छन्।