एनआईसी एशिया बैंकको नयाँ शाखा जाजरकोटको नलगाड नगरपालिकास्थित डल्लीबजारमा संचालनमा आएको छ। नगर प्रमुख टेक बहादुर रावलले शाखाको उद्घाटन गरे।
बैंकका देशभर २७० शाखा कार्यालयहरु संचालनमा रहेका छन्। २८९ एटिएम, ३७ वटा एक्सटेन्सन काउण्टर एवं २२ वटा शाखा रहित बैंकिङ्ग ईकाई मार्फत बैंकले सेवा प्रदान गर्दै आएको छ।
सबैभन्दा ठूलो शाखा सञ्जाल भएको बैंकको वासलातको आकार २१५ अर्ब भन्दा बढि पुगेको छ। कुल निक्षेप करिब १ खर्ब ६९ अर्ब तथा कर्जा १ खर्ब ४७ अर्ब पुगेको बैंकले जनाएको छ।
ग्राहकको संख्या करिब १४ लाख रहेको छ। साथै संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई बैंकले पालना गर्दै आएको जनाएको छ।