माछापुच्छ्रे बैंक, यूकेएड सक्षम र हेफर इन्टरनेश्नल नेपालबीच सम्झौता भएको छ।
सम्झौता अनुसार देशभर १४ जिल्लाका महिला उद्दमी, कृषक तथा साना उद्दमीलाई बिना धितो सरलीकृत कर्जा प्रदान गरिने छ। बैंकका अनुसार सक्षम यूकेएडको वित्तीय सहयोग प्राप्त एक्सेस टु फाइनान्स कार्यक्रम हो । यसलाई नेपालमा डिफिड नेपालका लागि लुइस बर्जरले विभिन्न स्थानीय तथा अन्तर्राष्ट्रिय संस्थाहरूसँगको साझेदारीमा कार्यान्वयन गर्दै आएको छ ।
उक्त सम्झौतामा बैंकका प्रमुख कार्यकारी अधिकृत सुमन शर्मा, यूकेएड सक्षमका टिम लिडर निर्मल दाहाल र हेफरका राष्ट्रिय निर्देशक डा. शुभनारायण महतोेले हस्ताक्षर गरे।
बैंकले कुल ४३ हजार कृषक एवं महिला उद्दमीलाई ऋण प्रवाह गर्ने, ३ हजारको संख्यामा खाता खोल्ने, देशभरका विभिन्न क्षेत्रबाट वित्तीय साक्षरता प्रदान गर्ने, शाखारहित सेवा केन्द्रको विस्तार गर्ने तथा नेपालमै पहिलो पटक नौलो कर्जा सेवा ‘किसान के्रडिट कार्र्ड’को सेवा प्रदान गर्ने बताएको छ।
हेफर साना किसानको दीगो बिकासमा सहयोग गर्ने अन्तर्राष्ट्रिय गैर सरकारी संस्था हो।बैंकका ८६ शाखा, २ एक्स्टेन्सन काउन्टर, १०७ एटीएम लगायत ३९ शाखा रहित बैकिङ्ग इकाइ छन्।
