विद्युतीय कोड स्क्यान गरेर मोबाइल भुक्तानी संचालन गरिरहेको क्यु पे प्राइभेट लिमिटेडले चीनको युनियन पे पेमेन्टसँग साझेदारी गरेको छ। उसले यो साझेदारीसँगै उपभोक्तालाई नयाँ सुविधा थप गरेको जानकारी दिएको छ।
पहिले क्यु पे’मा जोडिएकालेमात्र यो सेवा लिन पाउथे यो साझेदारीसँगै युपिआई (युनियन पे इन्टरनेशनल चिनीयाँ बैङ्क) सँग जोडिएका सबै ग्राहकले लिन पाउने क्यू पेका सिईओ प्रशान्त प्रज्वल बोहोराले जानकारी दिए।
यसका लागि प्रयोगकर्ताको मोबाईलमा ‘क्यु पे’को ‘क्युआर’ कोड हुन जरूरी छ । ‘क्यु आर’ का लागि क्युपेको एप्लिकेसन डाउनलोड गर्नुपर्छ।
यसबाट मनि ट्रान्फर, खानेपानिको बिल, इन्टरनेटको बिल, रिचार्ज, इन्सुरेन्सको बिल, रेष्टुरेन्टको बिल लगाएत अन्य सेवा लिदाँको शुल्क यथास्थानबाट नै तिर्न सकिन्छ।
वालेटमा पैसा लोड कसरी गर्ने?
मोबाइलमा ‘क्यु पे’ डाउनलोड गर्ने। फोन नम्बर राखेर रजिष्टर गरेपछि ओटिपी आउँछ। त्यसलाई भेरिफाई गरेपछि वालेटमा पैसा लोड गर्न सकिन्छ। प्रयोगकर्ताले इन्टरनेट बैङ्किङ, मोबाइल बैङ्किङ, भिसा कार्ड वा एटिएम कार्डबाट पैसा लोड गर्न सक्नेछन्।