विश्व बैंक समूहको सदस्य अन्तराष्ट्रिय वित्त निगम (आईएफसी) ले नेपालका निजी क्षेत्रमा लगानी बढाउँदै जाने बताएको छ।
नेपाल, बंगलादेश र भुटानका लागि कन्ट्री म्यानेजर रहेकी वेन्डी जो वेर्नरले आगामी तीन वर्षभित्र ८० करोड अमेरिकी डलर लगानी गर्ने बताएकी हुन्।
निजी क्षेत्रको लगानी आकर्षित हुन नसकिरहेको उनको भनाई छ। आएफसीले गर्ने लगानीबाट नेपालले सन् २०३० सम्म मध्यमस्तरको आय भएको मुलुकमा स्तारोन्नति हुने भनेर लिएको लक्ष्य पूरा गर्न सघाउ पुग्ने उनले बताइन्।
नेपालको निजी लगानीका बारेमा विश्व बैंक र आईएफसीले प्रकाशित रिपोर्ट सार्वजनिक कार्यक्रममा बोल्दै उनले विकास लगानी नेपालजस्ता मुलुकको लागि अत्यावश्यक भएको उल्लेख गरिन्।
उक्त कार्यक्रमा विश्व बैंकका दक्षिण एसिया उपाध्यक्ष हर्टवीङ सेचफरले नेपालको विकास लक्ष पूरा गर्न विश्व बैंक समूह हातमा हात मिलाएर अघि बढ्न तयार भएको बताए।
अहिलेसम्म नेपालमा निजश्र क्षेत्र वास्तविक आकारमा नआएको उनको बुझाई छ। नीतिगत तथा अन्य अवरोधका कारण खुलेर लगानी आउननसके पनि वदलिदो नेपालमा लगानीका लागि अनुकुल वातावरण बन्दै गएको उनको भनाई छ।
‘यस्तो अनुकुल वातावरणमा विश्व बैंक समूह निजी लगानी उत्प्रेरित गर्न चाहन्छु’ उनले भने।
नेपालमा लगानी मात्र नभई प्रविधि, अभ्यास र सीप पनि हस्तान्तर गरिने उनले बताए।
कार्यक्रममा बोल्दै अर्थमन्त्री डा युवराज खतिवडाले नेपालमा निजी क्षेत्रसँग सहकार्य गर्न सरकार तयारमात्र होइन वातावरणा बनाउँदै गएको बताए।
नियम कानून परिवर्तन भईसकेको र कति कानून परिमार्जनको क्रममा रहेको उनले उल्लेख गरे।
