नेपाल क्लियरिङ्ग हाउसले ४० प्रतिशत लाभांश दिने भएको छ।
सातौं वार्षिक साधारण सभाले गत आवको खुद नाफा १८ करोड १६ लाखबाट २० प्रतिशत नगद तथा २० प्रतिशत सेयर लाभांश दिने भएको हो।
नेपाल क्लियरिङ्ग हाउसमा १० प्रतिशत नेपाल राष्ट्र बैंकको, ८० प्रतिशत बैंक तथा वित्तीय संस्थाहरुको र १० प्रतिशत स्मार्ट च्वाइस टेक्नोलोजिजको शेयर स्वामित्व छ।
हाल कम्पनीको चुक्ता पूँजी १८ करोड छ। शेयर वितरण पश्चात् कम्पनीको चुक्ता पूँजी २१ करोड ६० लाख हुनेछ।
गत आवमा कुल ९६ लाख ८६ हजार २७७ चेक राफसाफ भएकोमा दैनिक कारोवार संख्या ४० हजार ७५६ रहेको थियो। औसत दैनिक राफसाफ रकम २६.६ अर्ब रहेको थियो। हाल ८० सदस्य बैंक तथा वित्तीय संस्थाहरुका ४ हजार ८० शाखाहरुबाट खिचिएका चेकहरु कम्पनीको एनसिएचएल प्रणाली मार्फत राफसाफ हुँदै आएको छ।
यसैगरी कम्पनीले गत बैशाखदेखि अनलाईन माध्यम मार्फत सोझै आफ्नो बैंक खाताबाट नेपाल सरकारको राजस्व भुक्तानी, फण्ड ट्रान्सफर, अन्य भुक्तानी गर्न सकिने प्रणाली संचालनमा ल्याएकोमा छ। उक्त प्रणालीमा हाल ४४ जना बैंक वित्तीय संस्थाहरु आवद्ध भइसकेका छन् तथा ३१ वटा बैंक वित्तीय संस्था मार्फत कारोबार भईरहेका छन्।
