सेयर बजारको परिसूचक नेप्से २२ अंकले बढेको छ। आजको कारोबारपछि परिसूचक १२८० कायम भएको छ। कुल १७३ कम्पनीको १ अर्ब १२ करोड रुपैयाँ बराबरको कारोबार भएको छ। लामो समयपछि कारोबार रकमले अर्ब नाघेको हो।
यस दिन प्रभु बैंकको सबैभन्दा धेरै रकमको कारोबार भयो। उसको ८ करोड ५६ लाखको कारोबार हुँदा दोस्रोमा रहेको एनआइसी एसिया बैंकको ६ करोड २५ लाखको किनबेच भयो। इन्भेष्टमेन्ट, जनता तथा नेपाल बैंकको ५–५ करोड बढीको कारोबार भयो।
अन्यबाहेकका सबै समूह बढेका छन्। सो समूह १ अंकले रातो रह्यो। बैंकिङ २९, व्यापार २, होटल २२, विकास बैंक ३७, जलविद्युत ७, फाइनान्स ५, निर्जीवन बिमा समूह ६४, उत्पादन १०, माइक्रोफाइनान्स १० तथा जीवन बीमा समूह ३७ अंकले बढेका छन्।
यस दिन भार्गव विकास बैंकको सेयर मूल्य ९ प्रतिशतले बढ्यो। सनराइज बैंकको ८ तथा प्रभु बैंकको ७ प्रतिशतले मूल्य बढ्यो। गुराँस फाइनान्स तथा सिनर्जी पावरका लगानीकर्ताले सबैभन्दा धेरै क्रमशः साढे ४ र साढे ३ प्रतिशत गुमाए।