भैसेपाटीमा अवस्थित नेपाल मेडिसिटी अस्पताल र सेञ्चुरी कमर्सियल बैंकबीच स्वास्थ्य प्रवद्र्धनका लागि सहकार्य गर्ने सम्झौता भएको छ।
सम्झौता अनुसार बैंकका कर्मचारी, डेबिट, क्रेडिट र प्रि–पेड कार्ड होल्डरले विशेष सहुलियत पाउने छन्। अस्पतालका महाप्रबन्धक विजय रिमाल र बैंकका चिफ मार्केटिङ्ग अफिसर रञ्जन खड्काले हस्ताक्षर गरेसँगै सम्झौता कार्यान्वयनमा आउने भएको हो।
अस्पतालका महाप्रबन्धक रिमालले स्वस्थ मानिसले आर्थिक उपार्जन र सक्रिय व्यवसायिक जीवन जीउने भएकोले नेपाल मेडिसिटी अस्पतालले बैंकहरुसँग सहकार्यको पहल गरेको बताए।
उनले नागरिकलाई गुणस्तरीय स्वास्थ्य सेवा प्रदान गरी स्वस्थ नेपाली अभियानलाई मूर्त रुप दिन बैंकहरु सहयोगी हुने विश्वास व्यक्त गरे।