एनआईसी एसिया बैंकले प्राइम लाईफ इन्स्योरेन्ससँग बैंकास्योरेन्स सम्झौता गरेको छ। सम्झौता अनुसार अब बैंकका ग्राहकले मुलुकभरका २३७ वटै शाखाहरुबाट सहज रुपमा प्राइम लाईफका जीवन बीमा पोलिसीहरु खरिद गर्न सक्नेछन्।
उक्त सम्झौतापत्रमा बैंकको तर्फबाट का.मु.प्रमुख कार्यकारी अधिकृत रोशनकुमार न्यौपाने र इन्स्योरेन्सका तर्फबाट प्रमुख कार्यकारी अधिकृत मनोज कुमार भट्टराईले हस्ताक्षर गरे।
एनआइसीले मुलुकभर २३७ शाखा कार्यालयहरु, २३० एटिएम, १४ वटा एक्स्टेन्सन काउन्टर एवं १७ वटा शाखा रहित बैंकिङ्ग ईकाई मार्फत बैंकिङ्ग सेवा प्रदान गर्दै आएको छ।
बैंकको वासलातको आकार १८२ अर्ब भन्दा बढि पुगेको छ भने कुल निक्षेप करिब १५४ अर्ब तथा कर्जा १२७ अर्ब पुगेको छ।