साताको पहिलो दिन आइतबार सेयर बजारको परिसूचक नेप्से १४ अंकले झरेको छ। सो अंकको गिरावटपछि ११९६ अंकमा कायम भएको छ। यस दिन १६० कम्पनीको ३२ करोड ५२ लाखको सेयर किनबेच भयो।
सबै समूहहरु यस दिन झरेका छन्। बैंकिङ ११, होटल २३, विकास बैंक २०, जलविद्युत ११, फायनान्स ५, निर्जीवन बिमा १०३, उत्पादन १८, अन्य ५, माइक्रोफाइनान्स २३ तथा जीवन बिमा समूह ६४ अंकले झरे।
कारोबारका आधारमा ग्रामीण विकास बैंक लघुवित्त अगाडि रह्यो। सो कम्पनीको ३ करोड ४५ लाख रुपैयाँको कारोबार भयो। ओम डेभलपमेन्ट बैंकको २ करोड ४९ लाखको कारोबार भयो। नविल र इन्भेष्टमेन्ट संस्थापक सेयरको कारोबार पनि उच्च रह्यो।
धेरै कमाउनेमा खानीखोल हाइड्रोका लगानीकर्ता अगाडि रहे। सो कम्पनीको मूल्य ५.७ प्रतिशतले बढ्यो। नागबेली लघुवित्तका लगानीकर्ताले सबैभन्दा धेरै ५.३ प्रतिशत गुमाए।