‘आइएमई पे’ र नेपाल वायुसेवा निगमबीच हवाई टिकट खरिदसम्वन्धी सम्झौता पत्रमा हस्ताक्षर भएको छ।
सम्झौता पत्रमा ‘आइएमई पे’ का तर्फबाट प्रमुख संचालन अधिकृत डेनियल डी श्रेष्ठ र निगमका तर्फबाट महाप्रवन्धक सुगतरत्न कंसाकारले हस्ताक्षर गरे।
सम्झौताअनुसार ‘आइएमई पे’ मा आवद्ध सेवाग्राहीले ‘आइएमई पे’ को प्रयोग गरी नेपाल वायुसेवा निगमद्वारा संचालित विभिन्न गन्तव्यका लागि उडान भर्ने जहाजको टिकट खरिद गर्न सक्नेछन्।
तेह्र हजारभन्दा बढी एजेण्ट आउटलेट संजाल भएको ‘आइएमई पे’ आईएमई समूह अन्तर्गतको डिजिटल वित्तीय सेवा प्रदायक कम्पनी हो।
नेपाल राष्ट्र बैंकबाट आइएमई डिजिटलले दूरसञ्चार सञ्जालको माध्यमबाट मोबाइल वालेट सेवा प्रदान गर्ने अनुमति प्राप्त गरेको छ। यस्तो अनुमति पाउने आईएमई डिजिटल देशकै पहिलो भुक्तानी सेवा प्रदायक रहेको कम्पनीको दावी छ।
आईएमई डिजिटलले ‘आईएमई पे’ अन्तर्गत मोबाइल वालेट सेवा उपलब्ध गराउँछ, यसको मद्दतबाट सेवाग्राही आफैले अथवा एजेन्टहरूको सहयोग लिएर मोबाइल मार्फत् विभिन्न किसिमका भुक्तानी सम्बन्धी कार्य गर्न सक्नेछन्।