नबिल बैंकले जापानस्थित एशियन नेट कम्पनीसँग रेमिट्यान्स कारोबारको लागि सहकार्य गरेको छ।
असार २२ गते जापानको टोकियोमा आयोजित समारोहमा बैंकका चिफ बिजनेस अफिसर अनिल कुमार खनाल र नेट कम्पनी जापानका अध्यक्ष हिगासिदा सुजेनले सहकार्य सम्झौतामा हस्ताक्षर गरे।
दुई कम्पनीबीचको सहकार्यपछि जापानमा रहेका नेपालीहरुले आफ्नो नबिल बैंकमा रहेको खातामा वा जुनसुकै बैंक तथा वित्तीय संस्थाहरुको खातामा पठाउन सक्नेछन्।
यस ब्यवस्थापछि जापानबाट सुरक्षित, सस्तो र छिटो माध्यमबाट रकम पठाउन सहजता हुने बैंकको विश्वास छ। एशियन नेट कम्पनी जापान सरकारबाट इजाजतपत्र प्राप्त दुरसञ्चार तथा मनी ट्रान्सफर ब्यवसाय सञ्चालन गर्ने कम्पनी हो। सो कम्पनी विभिन्न अन्तर्राष्ट्रिय फोन सेवा तथा सञ्चार ब्यवसायमा संलग्न छ।
