सानिमा बैंकले मलेसियाबाट रेमिट्यान्स सेवा थालेको छ। अब सानिमा एक्सप्रेसमार्फत मलेसियाबाट पठाएको रकम नेपालस्थित ८ हजार बढी एजेन्टमार्फत आफन्तजनले प्राप्त गर्न सक्नेछन्।
बैंक र सिबिएल मनी ट्रान्सफरबीच मलेसिया–नेपाल रेमिट्यान्स सम्झौता भएसँगै यो सेवा सुरु भएको हो। उक्त सम्झौता पत्रमा बैंकको तर्फबाट प्रमुख कार्यकारी अधिकृत भुवनकुमार दाहाल र मनी ट्रान्सफरका तर्फबाट प्रमुख कार्यकारी अधिकृत मो. सैदुर रहमान फराजीले हस्ताक्षर गरे।
आन्तरिक सेवाका साथै सानिमा एक्सप्रेसले यू.ए.ई, मलेसिया, कतार, यू.के, कोरिया, लगायत देशबाट सेवा प्रदान गर्दै आएको छ। बैंकका हाल सात वटै प्रदेशमा ७४ वटा शाखा संचालनमा छन्।