बैंकहरुलाई भारुमा पनि ऋण ल्याउन पाउने व्यवस्था गरिएको छ। मौद्रिक नीतिमार्फत राष्ट्र बैंकले अमेरिकी डलरमा मात्रै नभई भारुमा पनि ऋण ल्याउन बाटो खोलेको हो।
यसबाट नेपालमा भारतीय लगानीमा संचालनमा रहेका बैंकहरुले सहजै भारु ल्याई तोकिएका क्षेत्रमा कर्जा प्रवाह गर्न सक्नेछन्।
त्यस्तै अन्य बैंकहरुले पनि भारतीय बैंक तथा वित्तीय संस्थाहरुसँग सहकार्य गरी भारुमै मुद्रा ल्याएर परिचालन गर्न सक्नेछन्।
हालै राष्ट्र बैंकले प्राथमिक पुँजीको २५ प्रतिशतसम्मको रकम बैंकहरुले विदेशबाट ल्याउन सक्ने व्यवस्था गरेको छ। अमेरिकी डलरमै परिवर्तन गरी ल्याउनुपर्ने व्यवस्थालाई परिवर्तन गर्दै मौद्रिक नीतिमार्फत भारुमा पनि ल्याउन सक्ने व्यवस्था गरिएको हो।
भारतीय मुद्रालाई डलरमा परिवर्तन गर्नु नपर्ने भएपछि बिनिमयदर शुल्क कम पर्न जानेछ।