नेकपा एमाले र एकीकृत माओवादीबीच एकता भएको दिन नेप्से हरियो अंकमा अडिएको छ। १ दशमलव ६४ अंकले बढेर परिसूचक १३३९ अंकमा कायम भएको छ।
कारोबार सुरु भएको एक घण्टामा परिसूचक १३४७ अंकमा पुगेको थियो। त्यसलगत्तै बिक्रीकर्ताले चाप बढाएपछि वृद्धिदर घट्न पुगेको हो। बुधबार ४ अंकले बढे पनि नेप्से त्यसअघिका सात दिनसम्म ओर्लिएको थियो।
कारोबार रकम यस दिन बढेको छ। २८ करोड ५४ लाखको सेयर किनबेच भएको छ। अघिल्लो दिन यो २२ करोड थियो।
बैंकिङ, होटल, विकास बैंक, जलविद्युत तथा बिमा समूह हरियो अंकमा रहे भने अरु घटेका छन्। बैंकिङ २.२, होटल २.९, विकास बैंक २.७, जलविद्युत ४.७, बिमा २८.७ अंकले बढे।
उत्पादन १५, अन्य २, माइक्रोफाइनान्स ४, फाइनान्स ०.२ तथा व्यापार ४ अंकले घटे। वमी माइक्रोफाइनान्सको सबैभन्दा धेरै २ करोड १३ लाखको सेयर किनबेच भयो।
कम्पनीको मूल्य प्रतिकित्ता १८३० कायम भएको छ। अन्य कम्पनीको कारोबार रकम भने १ करोडमुनि रह्यो। यस दिन कुल १५४ कम्पनीको कारोबार भएको थियो।
कन्काई विकास बैंकका लगानीकर्ताले ५.९ प्रतिशत मूल्य कमाए।