बजारमा एभोकाडोको आउन थालेको छ। केही सातादेखि बजारमा एभोकाडो आउन थालेको नेपाल फलफूल थोक व्यवसायी संघ, काठमाडौंका उपाध्यक्ष मेघनाथ चौलागाईंले जानकारी दिए।
'एभोकाडोको सिजन सुरू भएको छ। बजारमा थोरै थोरै आइरहेको छ,' उनले भने।
उनका अनुसार अहिले बजारमा काठमाडौं उपत्यका लगायतका ठाउँ र धनकुटाबाट एभोकाडो आइरहेको छ। आयातित एभोकाडो पनि थोरै मात्रामा आउन सुरू भएको छ।
बजारमा कात्तिकदेखि नै एभोकाडो आउन सुरू हुन्छ। यसको मुख्य सिजन मंसिरदेखि माघसम्म हो तर बजारमा भने फागुनसम्म आइरहन्छ।
अहिले बजारमा एभोकाडो गुणस्तर अनुसार थोक मूल्य प्रतिकिलो एक सय ८० देखि तीन सय ५० रूपैयाँसम्म बिक्री भइरहेको छ।
आगामी दिनमा बजारमा किवी, सुन्तला लगायतका फलफूलको सिजन सुरू हुने छ।
-1746009348.jpg)
