कात्तिक २८ गते ‘नेपाल बिजनेस एक्सिलेन्स अवार्ड्स २०१७’ हुने


‘नेपाल बिजनेस एक्सिलेन्स अवार्ड्स  २०१७’  को पहिलो संस्करण आगामी कात्तिक २८ गते होटल सोल्टी क्राउन प्लाजा, काठमाडौंमा हुने भएको छ ।

फ्रष्ट एण्ड सलीभन तथा नेपाल उद्योग परिसंघको संयुक्त आयोजना उक्त पुरस्कार कार्यक्रम हुन लागेको हो । उक्त कार्यक्रममा  सशक्त, दिगो र लगानीकर्तामैत्री कम्पनीहरुलाई सम्मान गर्ने आयोजक कम्पनीले बताएको छ ।

उक्त पुरस्कार कार्यक्रममा भाग लिन कम्पनीहरुका लागि भदाै‌ं २० गतेसम्म नोमिनेसन खुला राखिएको आयोजकले जनाएको छ ।

उक्त अवार्ड मूल्यांकनले व्यापार वृद्धि, सुधारिएको प्रतिस्पर्धातर्फ संस्थाको उद्देश्य र व्यापार प्रभावकारीताका लागि आवश्यक कार्यप्रदर्शन जस्ता कम्पनीका रणनीतिक लक्ष्यहरुलाई झल्काउने उद्देश्य लिएको बताइएको छ ।

यस मूल्यांकन प्रक्रियामा उत्पादन, व्यापार,अस्पताल, निर्माण, प्रचालन, होटल, बैंकिङ, वित्तीय सेवा तथा बीमा कम्पनीहरु सहभागी हुन पाउने छन् ।

समग्र बिजेताहरुलाई ‘सुपर प्लेटिनम अवार्ड’ र ‘सुपर प्लेटिनम अवार्ड फर्स्ट रनर अप” प्रदान गरिनेछ ।

थप जानकारी लिनको लागि  www.frost.com/2017nbea मा लग अन गर्न सकिनेछ ।

Share:

© 2017 Setopati Sanchar Pvt. Ltd.