शुक्रबार काठमाडौंमा अायोजित भएको नेपाल कार्पेट निर्यात संघको १२औँ साधारणसभाले १८ सदस्यीय नयाँ कार्यसमितिलाई निर्विरोध चयन गरेको छ ।
कार्यसमितको अध्यक्षमा रामबहादुर गुरुङ, वरिष्ठ उपाध्यक्ष दीपक बज्राचार्य, प्रथम उपाध्यक्ष प्रमोदराज सत्याल, द्वितीय उपाध्यक्ष समीरविक्रम शाह, तृतीय उपाध्यक्ष दावा शेर्पा, महासचिव तेन्जिङ शेर्पा, कोषाध्यक्ष दानबहादुर चन्द र सहकोषाध्यक्षमा निदेश अधिकारीलाई चयन गरिएको छ ।
यसैगरी बलराम गुरुङ, मनोज अमात्य र देवनन्द सरबगीलाई सचिवमा तथा नर्वु लामा, छेवाङ लामा, रामगोपाल घिमिरे, महेश अर्याल, मानकुमार तामाङ, राजेन्द्रकृष्ण जोशी र सांगेल शेर्पा सदस्यमा चयन भएका छन् ।
संघले वार्षिक पाँच लाख मिटर गलैँचा अमेरिका, युरोप, अफ्रिकालगायत मुलुकमा निर्यात गर्दै आएको छ । गलैँचा उद्योगबाट स्थानीयस्तरमा ठूलो रोजगारी तथा स्वदेशी वस्तुको उपयोग गरी ठूलो परिमाणमा विदेशी मुद्रा आर्जन गर्दै आएको नवनिर्वाचित अध्यक्ष गुरुङले जानकारी दिए।
‘यति धेरैलाई रोजगारी प्राप्त भएपनि अहिलेसम्म सहुलियत ऋण तथा अन्तर्राष्ट्रिय स्तरमा बजारीकरणका लागि सरकारको ध्यान जान सकेको छैन,’ उनले भने । रासस