नेस्याङमा जडीबुटीबाट १६ लाख राजस्व सङ्कलन


हिमालपारिको जिल्ला मनाङ नेपालकै महत्वपूर्ण जडीबुटी पाइने क्षेत्र हो ।

यस क्षेत्रमा पाइने जडीबुटी यार्सागुम्बा, जिम्बु, वन लसुन र सतुवा कानूनी रुपमा संकलन गर्न मान्यता दिइएको छ ।

यिनै जडीबुटीबाट वर्षौं लाखौँलाख राजस्व संकलन हुँदै आएको छ । गत आव २०७३/२०७४ मा नेस्याङ गाउँपालिकामा मात्रै  १५ हजार ९८ हजार ३ सय २५ रुपैयाँ राजस्व संकलन भएको छ ।

सबैभन्दा महँगो र महत्वपूर्ण मानिने यार्सागुम्बा ६२.५५ केजी संकलन भएको थियो जसको प्रतिकेजी  २५ हजार १ रुपैयाँका दरले जम्मा  १५ लाख ६३ हजार ८ सय ७५ रुपैयाँ राजस्व संकलन भएको छ ।

यस्तै, जिम्बु २५०० केजीबाट  २५ सय रुपैयाँ, वनलसुन ४६० केजीबाट छ हजार ९ सय रुपैयाँ र सतुवा १७० केजीको  दुई हजार ५ सय ५० रुपैयाँ गरी जम्मा  १५ लाख ९८ हजार ३ सय २५ रुपैयाँ राजस्व संकलन भएको अन्नपूर्ण संरक्षण क्षेत्र मनाङका प्रमुख  बाबुलाल तिरुवाले बताए।
मनाङमा पाइने अन्य जडीबुटी – कुट्की, पाँचऔँले, निरमसीजस्ता जडीबुटीलाई संकलनका लागि कानूनीरुपमा मान्यता दिइएको छैन । रासस

Share:

प्रतिकृया दिनुहोस

© 2017 Setopati Sanchar Pvt. Ltd.