नागरिक लगानी कोषमा गत असार मसान्तसम्म सरकारी तथा गैरसरकारी संस्था गरी ४७ हजार ९२५ आबद्ध छन् ।
ती कार्यालयका ६ लाख ८ हजार ८४९ कर्मचारीबाट अहिलेसम्म ९३ अर्ब ५३ करोड ६२ लाख रुपैयाँ संकलन भएको छ । गत असार मसान्तसम्ममा कोषले रु ८५ अर्ब ५० करोड ४९ लाख लगानी गरेको छ । कोषले गरेको लगानीमध्ये ऋणपत्रमा एक अर्ब ८० करोड ९३ लाख रुपैयाँ, बैंक तथा वित्तीय संस्थामा ५७ अर्ब ९९ करोड रुपैयाँ निक्षेप संकलन भएको छ भने कर्जामा छ अर्ब ५७ करोड रुपैयाँ, संगठित संस्थाको शेयर धितोमा चार अर्ब दुई करोड ४८ लाख रुपैयाँ र सहभागी सापटी तथा आवास कर्जामा १५ अर्ब ११ करोड २ लाख रुपैयाँ रहेको कोषका सूचना अधिकृत उद्धव सिलवालले जानकारी दिए ।
उनका अनुसार आव २०७३÷७४ मा कोषबाट रकम भुक्तानी लिने सहभागीको संख्या ५९ हजार १६० छ भने दैनिक ८७८ जनाले सेवा लिने गरेका छन् । रासस
