नेपाली कांग्रेसले म्याद सकिएका भातृ संस्थाहरूको म्याद थप गर्ने निर्णय गरेको छ।
आज पार्टी केन्द्रीय कार्यालय सानेपामा बसेको बैठकले म्याद सकिएका भातृ संस्थाहरूको म्याद थप छ महिना थप गर्ने निर्णय गरेको प्रवक्ता विश्वप्रकाश शर्माले सेतोपाटीलाई जानकारी दिए।
नेविसंघ, तरूण दललगायत कांग्रेसका भातृ संस्थाको समयमै अधिवेशन भएको छैन। यसअघि पनि केन्द्रीय कार्यसमितिले यी भातृ संस्थाका म्याद थप गर्दै आएको थियो।
‘भातृ संस्थाको समय सकिएको मितिले छ महिना म्याद थप गरिएको छ,’ उनले भने।
आज केन्द्रीय कार्यालयमा नेविसंघका एउटा समूहले नेविसंघको उमेरहद ३२ वर्ष कार्यान्वयनमा ल्याउन माग गरेका थिए।
