प्रधानन्यायाधीश चोलेन्द्रशमसेर राणाले संवैधानिक इजलासमा न्यायाधीशको संख्या बढाउन आवश्यक रहे पनि पूर्वाधार नभएको बताएका छन्।
राणाले पाँच जना न्यायाधीश नै अँट्ने ठाउँ नरहेको भन्दै सात वा ११ जना न्यायाधीश अटाउने ठाउँ बनाउन पूर्वाधार नभएको तर्क गरे।
वरिष्ठ अधिवक्ता शम्भु थापाले संवैधानिक इजलासमा न्यायाधीशको संख्या बढाउनुपर्ने बताएका थिए। यसअघि अर्का अधिवक्ता बद्रीबहादुर कार्कीले पनि यो कुरा उठाएका थिए।
जवाफमा राणाले भने, ‘हामीलाई पनि महशुस भएको हो। तर, पूर्वाधारको अभाव छ। पाँच जना नै अट्ने ठाउँ छैन, सात वा ११ जना कसरी कहाँ अँटाउनू?’
अर्का न्यायाधीश तेजबहादुर केसीले भने, ‘हामीलाई पनि त्यस्तो महशुस भएको हो, अब परिस्थिति नै त्यस्तै भयो।’
