कतिपय मानिसलाई ग्लुटेन भएको खानेकुरा खानै हुँदैन। ग्लुटेन गहुँ, जौ लगायतका अन्न दानामा पाइने एक किसिमको प्रोटिन हो।
सानो आन्द्रामा रोग भएका मानिसहरुलाई यसले बढी असर गर्छ।
बजारमा पाइने प्रायः बिस्किटमा ग्लुटेन हुन्छ। ओरियो बिस्किटमा पनि पर्याप्त ग्लुटेन हुन्छ।
अब ओरियोले त्यस्ता व्यक्तिहरुका लागि केही महिना भित्रै ग्लुटेन–फ्री ओरियो बिस्किट बजार भित्र्याउन लागेको सिएनएनले जानकारी दिएको छ।
सिएनएनका अनुसार ओरियो मोन्डिलेज कम्पनीको ब्रान्ड हो। कम्पनीले आफ्नो आधिकारिक ट्विटरमार्फत उक्त घोषणा गरेको हो।
‘यहीँ जनवरी २०२१ देखि दूधको स्वादमा ग्लुटेन–फ्री बिस्किट आउँदै, ट्विट्मा लेखिएको छ।
कम्पनीका अनुसार यो ग्लुटेन–फ्री बिस्किट अहिले बजारमा भएको ओरियो जस्तै सबै ठाउँमा सहजै उपलब्ध हुनेछ।
कम्पनीका एक प्रतिनिधिका अनुसार, ‘हामीले नयाँ बिस्किट थपेका छौँ। अब ग्लुटेन भएको खाना खान नमिल्ने व्यक्तिहरुका लागि ग्लुटेन–फ्री बिस्किट निकाल्दै छौँ,
कम्पनीले बनाएको यो ग्लुटेन(फ्री बिस्किट ग्लुटेन इन्टोलिरेन्स ग्रुप अफ नर्थ अमेरिकाुद्वारा अनुमोदित र प्रमाणित गरिएको छ।
बिस्किटको प्रत्येक प्याकमा स्पष्ट रुपमा ग्लुटेन रहित लेबल हुनेछ।