असोजको दुई सातामा वाणिज्य बैंकहरुमा ४७ अर्ब निक्षेप बढेको छ।
नेपाल बैंकर्स एसोसिएसनका अनुसार भदौ मसान्तसम्म २७ वाणिज्य बैंकमा कुल ४१ खर्ब ७१ अर्ब निक्षेप रहेकोमा असोज १५ गतेसम्म ४२ खर्ब १८ अर्ब रुपैयाँ कायम भएको छ।
निक्षेप जम्मा ४७ अर्बले बढ्दा यस अवधिमा कर्जा भने ७० अर्बले बढेको छ। भदौ ३१ गतेसम्म ३८ खर्ब ७२ अर्ब कर्जा प्रवाह भएकोमा असोज १५ गतेसम्म आउँदा कुल ३९ खर्ब ४२ अर्ब कायम भएको छ।
निक्षेपको वृद्धिदर कम हुँदा कतिपय बैंकहरुलाई नगद कोष अनुपात (सिआरआर) व्यवस्थापन गर्न भने असहज भएको छ।
जसकारण सोमबार बैंक तथा वित्तीय संस्थाहरुले राष्ट्र बैंकबाट १० अर्ब रुपैयाँ सापटी सुविधा (एसएलएफ) लिएका छन्। यस्तै आइतबार २५ अर्ब ७२ करोड रुपैयाँ एसएलएफ लिएका थिए।