नबिल बैंकले युवा उद्यमशिलता र स्वरोजगार प्रबर्द्धन गरि युवालाई आत्मनिर्भर बनाउँदै समृद्धि तर्फ अग्रसर गराउने उद्देश्यका साथ राष्ट्रिय युवा परिषद पञ्चेश्वर गाउँपालिका बैतडीसँग त्रिपक्षीय समझदारी गरेको छ।
यस समझदारी अन्तर्गत सुदूरपश्चिम प्रदेश, बैतडी जिल्लाको पञ्चेश्वर गाउँपालिकामा स्थानिय युवाहरुलाई उद्यमशिलता विकास र वित्तीय साक्षरताको आधारभूत तालिम प्रदान गरि उद्यमका लागि सक्षम बनाउने र दिगो आर्थिक विकासमा योगदान गर्ने लक्ष्य लिएको छ।
नबिल बैंकको तर्फबाट नबिल दिगो बैंकिङका प्रबन्धक लिला प्रसाद ओझा, राष्ट्रिय युवा परिषदको तर्फबाट प्रशासकीय प्रमुख बाबुराम ढुंगाना र पञ्चेश्वर गाउँपालिकाका तर्फबाट अध्यक्ष गोरख बहादुर चन्दले समझदारी पत्रमा हस्ताक्षर गरेका छन्।
बैंकले ग्रामिण क्षेत्रमा वित्तीय पहुच न्यून भएका वर्गलाई कृषि व्यवसायिकरण र उद्यमशिलता विकासकाे लागि ल्याएको कार्यक्रम सुरुमा १७ वटा दुर्गम शाखाहरुबाट सञ्चालन गरि कर्जा प्रवाह गरिरहेको छ।
