मेलिना राई र राजनराज सिवाकोटीको स्वरमा नयाँ गीत सार्वजनिक भएको छ। 'क्या मज्जा आको' बोलको नयाँ गीतमा राजनराजकै शब्द र संगीत छ। नाट्य शैलीमा सुरु हुने म्युजिक भिडिओमा पल शाह र रेश्मा घिमिरेले अभिनय गरेका छन्।
भिडिओमा हास्य अभिनेता तथा निर्देशक निर्मल शर्मा (गैंडा) पनि देखिन्छन्। नवराज उप्रेतीको सिनेमेटोग्राफी रहेको भिडिओलाई गम्भीर विष्टले निर्देशन गरेका हुन्। भिडिओ उनकै कन्सेप्ट र कोरिओग्राफीमा तयार भएको हो।
'क्या मज्जा आको'मा सुवोल थापाले सहायक निर्देशकको भूमिका निर्वाह गरेका छन्। भिडिओ सम्पादन नविन निरौलाले गरेका हुन्। 'क्या मज्जा आको' सोमबार युट्युब च्यानल एजिएल इन्टरटेन्मेन्टबाट सार्वजनिक भएको हो।
