'एउटा यस्तो प्रेम कहानी' फिल्मको आइटम गीत 'हलाल' रिलिज भएको छ।
फिल्म लुटबाट आइटम गर्लको छवि स्थापित गर्न सफल सुष्मा कार्कीले उक्त गीतमार्फत् कमब्याक गरेकी छन्।
बिबि थापाको शब्द रहेको आइटम गीतलाई गायिका मिना निरौलाले स्वर दिएकी छन्।
अभिनेता शिव श्रेष्ठको प्रस्तुतिमा बनेको यस फिल्ममा शिव श्रेष्ठ, शक्ति श्रेष्ठ, प्रियंका कार्की, कविता मानन्धर, आयुष्मान देसराज श्रेष्ठ जोशी, वर्षा राउत, संजोग कोइराला, बसुन्धरा भुषाल, आंग तेंबे शेर्पा, मिथिला शर्मा, बिष्णु चेमजोंग, रेखा फागु, नरेन खड्का, ध्रुब कोइराला लगायतको अभिनय रहेको फिल्मको निर्देशन दिपेश सापकोटाले गरेका छन्।
फिस्टेल मुभिजको ब्यानरमा बनेको फिल्मलाई यशाेदा राई र दिनेश दर्शनधारीले निर्माण गरेका हुन्।
खुम तामाङ, सुनिल कटवाल, राम नारायण शाह, दिनेस थापामगर र तारा तुलाधर फिल्मका सह-निर्माता हुन्।