झरना थापाले निर्देशन गर्ने ‘ए मेरो हजुर ३’बाट आफ्नै छोरी सुहाना थापालाई डेब्यू गराउने भएकी छिन्।
फिल्ममा उनले आफ्नी छोरीको जोडी अहिलेका स्टार अभिनेता अनमोल केसीसँग जुराएकी छन्।
सुहानी र अनमोललाई शनिबार निर्माता सुनिलकुमार थापा र निर्देशक झरनाले अनुबन्धित गरेका हुन् ।
हाल अनमोल आफ्ना बाबु भुवन केसीले निर्माण गरिरहेको ‘क्यापटेन’ फिल्मको छायाँकनमा व्यस्त रहेका छन्।
उनले ‘ए मेरो हजुर ३’ ‘क्याप्टेन’ रिलिज भएको ६ महिनापछि रिलिज गर्ने सर्तमा खेल्न तयार भएको बताइन्छ।
भदौदेखि छायाँकनमा जाने फिल्म आगामी नयाँ वर्षमा रिलिज गरिनेछ । फिल्मका अन्य कलाकार र टिम फाइनल नभएपनि ‘ए मेरो हजुर २’बाट प्राय: जोडिने सम्भावना छ ।
