बेलायतको क्याण्टरवरी क्राइस्ट चर्च युनिभर्सिटीमा साउनको अन्तिम साता दोस्रो विश्व नेपाली साहित्य सम्मेलन भएको छ।
विश्व नेपाली साहित्य महासंघको नेपाली साहित्य र साहित्य विकास परिषदको सह-आयोजनामा भएको सम्मेलनमा २० मुलुकका २७ शाखाले भाग लिएका थिए।
कार्यक्रममा बेलायतका लागि नेपाली राजदूत दुर्गाबहादुर सुवेदी, कवि तुलशी दिवस, समालोचक प्राडा. गोविन्दराज भट्टराई, केन्द्रीय अध्यक्ष विश्वास दीप तिगेला, पूर्वजर्मन राजदूत प्रा. नोवल किशोर राई र बरिष्ठ लेखक, साहित्यकार, राजनीतिक बिश्लेषक, गहन चिन्तक खगेन्द्र संग्रौला लगायतको सहभागिता थियो।
जर्मनका अङ्रेजी प्रोफेसर बी श्रेसर, अष्ट्रियाका शेला स्टेनर, नेपालबाट साहित्य अनुरागी शन्ध्या जोशी श्रेष्ठ र भारतको भाक्सुबाट मित्रसेन प्रतिष्ठानकी संरक्षक वयोवृद्धा प्रतिमा दोधराज तथा बेलायतमा रहेका धेरैजसो साहित्यकार, पत्रकार, कलाकार, विध्यार्थीवर्ग, समाजसेवी र केही राजनीतिज्ञ तथा कुट्नितिज्ञहरुको उपस्थिति थियो।
कार्यक्रममा नेपाली साहित्यको दूत (सगरमाथा) २०१८ कवि दिवसलाई प्रदान गरियो भने नेपाली साहित्य दूत (धौलागीरी) २०१८ श्रीमति लक्ष्मी राई थापा (लारा) लाई दिएको थियो।
कार्यक्रममा सातवटा पुस्तक विमोचन समेत भएको थियो।
बिमोचन भएका पुस्तकहरू
१,‘बिनेसाम दर्पण’, मस्को निवासी कृष्णप्रसाद श्रेष्ठद्वारा रसियनबाट नेपालीमा अनुवादित कविता कृति ‘रुसी पल्लव’
२,प्रा डा. गोविन्दराज भट्टराईको ‘मेरो पहिलो बेलायत यात्रा’
३, विनेसामका केन्द्रीय सह–सचिब सुनिता राई कन्दङवाको ‘एक जुवा घामा’ कविता कृति।
४,गीतकार जानु काम्बाङको ‘नउघ्रेको जून’ कथा संग्रह
५,केदार संकेतको ‘बुद्दल्याण्ड टु स्वीजरल्याण्ड’ यात्रा स्पर्श
६, सङ्केत द्वारा सम्पादित ‘बिनेसाम दर्पण’ ।
७, बिनेसामकै सन्कलित साहित्य समाचार ‘साहित्य संसार’ पुस्तक।
कार्यक्रममा कार्यक्रममा नेपाली भाषा र यसको डाएस्पोरामा प्रभावबारे विभिन्न वक्ताहरूले बोलेका थिए।
सम्मेलनले ८ बुँदे घोषणा पत्रसमेत जारी गरेको छ।।
यस्तो छ घोषणा पत्र
१. नेपाल भित्र बोलिने सबै (मातृ) भाषाहरुको साहित्य तथा नेपाली पहिचान भएका र नेपाली परिचयमा गौरव गर्नेले आफ्नो मातृभाषामा लेखेका साहित्यलाई नेपाली साहित्य मान्ने परम्परामा गौरव गर्दछ।
२. नेपाली (खस जुम्ली) भाषालाई देव नागरिक लिपीमा लेखिएको साहित्य नेपाली पहिचान र प्रतिष्ठा भई सकेकोले यसको श्रीवृद्धिको निम्ति हरप्रकारको कार्य गर्ने प्रतिबद्धता जारी गर्दछ ।
३. नेपाली साहित्यलाई अन्य भाषामा अनुवाद गर्ने कार्यलाई निरन्तरता दिने ।
४. नेपाली बर्ण विन्यास २०६९ र मानक नेपाली भाषा अभियान २०७४ दुवैको योगदानको उच्च सम्मान गर्दै नेपाली लेखनलाई ध्वनी विज्ञान सम्मत लैजान आग्रह गर्दछ ।
५. नेपाल भित्र बोलिने १२५ भाषाहरु मध्ये झण्डै २ दर्जन भाषाको कवितालाई अन्य भाषामा अनुवाद सहित प्रकाशन गर्ने प्रतिबद्धता गर्दछ ।
६. देश बाहिर रहेको नेपाली साहित्यका स्रष्टाहरुलाई उपेक्षा गर्ने प्रचलन प्रति दुःख ब्यक्त गर्दै अब दया र भिख होइन गुणस्तरको आधारमा मूल्याङ्कन गरि सम्मानहोस भनी जोडदार माग गर्दछ ।
७. नेपाली युद्ध साहित्यको सिर्जना यथेष्ठ भईसकेकोले नेपाली साहित्य आकासमा यसको ब्यापक पठनपाठनहोस भन्ने माग गर्दछ ।
८. यस सम्मेलनलाई सम्पन्न गराउन साथ सहयोग गर्नुहुने २० मुलुकका २७ शाखाहरु, सहयोगदाताहरुलाई हार्दिक धन्यवाद ज्ञापन गर्दछ ।
संस्थाका केन्द्रिय सचिव साहित्यकार केदार सङ्केत र वातावरण साहित्य अभियन्ता (विद) विजय हितानद्वयले कार्यक्रमको संयोजन गरेका थिए।
