गैरआवासीय नेपाली संघ(एनआरएनए)हङकङकको अध्यक्षमा अनु राई निर्वचित भएकी छन्।
एनआरएनए हङकङकको १० औं अधिवेशनबाट अनु राईको नेतृत्वको कार्यसमिति निर्विरोध चयन भएको एनआरएनए सचिव राधिका (टीका) गुरूडले जानकारी दिइन्।
नवनिर्वाचित अध्यक्ष राई एनआरएनए हङ्कङको २ कार्यकाल महिला संयोजक र २ कार्यकाल उपध्यक्ष भइसकेकी छन्।
एनआरएनए सचिव गुरूङका अनुसार कार्यसमितिको उपाध्यक्षहरुमा सन्तोष कुमार गुरूङ,कविता गुरूङ र महासचिवमा इन्द्र पुन चयन भएका छन्।त्यस्तै सचिवमा विश्वनाथ घिसिङ,कोषाध्यक्ष अर्जुन गौचन,महिला संयोजक सत्यवती गहतराज र युवा संयोजकमा मनोज गौतम छन्।
आइसिसी सदस्य दिल्लीराज विश्वकर्मा चयन भएका छन्। सदस्यमा डुबहादुर गुरुङ चयन भएका छन्। समितिमा बाँकी रहेका पदहरुमा निर्वाचित कार्य समितिले पदपूर्ति गर्ने जनाइएको छ।
हङकङ मकाउका लागि महावाणिज्यदूत विन्देश्वर प्रसाद लेखकको प्रमुख अतिथि रहेको कार्यक्रममा एनआरएनए सचिव राधिका (टीका) गुरूङ सुपरीवेक्षक थिइन्।
एनआरएनए सचिव गुरूङले सहमतिमै नेतृत्व चयन गरेर सकारात्मक सन्देश दिन सफल भएको बताइन्।
'हामीले सक्षम,अनुभवी र समावेशी नेतृत्व चयन गर्न सफल भएका छौं। एनआरएनए हङकङले केन्द्रलाई समेत एउटा सन्देश दिएको छ,' उनले भनिन्,'नयाँ कार्यसमितिले सबैलाई समेटेर लैजानेछ भन्ने हाम्रो विश्वास छ।'
-1746009348.jpg)
