पोर्चुगलमा हत्या गरिएका जिसीको अस्तु नेपाल पठाइयो


पोर्चुगलमा हत्या गरिएका जलजला गाँउपालिका–४ मज्लाज, पर्वतका हरिबहादुर जिसीको अस्तु नेपाल पठाइएको छ।

गैर आवासीय नेपाली संघ पोर्चुगलको अगुवाईमा उनको अस्तु नेपाल पठाइएको हो । संघका वरिष्ठ उपाध्यक्ष तिलक गैरे र कार्यसमिति सदस्य प्रकाश कँडेरियाले जिसीका भाञ्जा सविन कार्कीलाई अस्तु हस्तान्तरण गरे ।

अस्तु लिन जिसिका भाञ्जा कार्की त्रिभुवन अन्तराष्ट्रिय विमानस्थल काठमाण्डौं पुगेका थिए । गत भदौ २७ गते लिस्वोनको क्याम्पो पिकेनोमा छुरा प्रहार गरि जिसीको हत्या भएको थियो ।

हत्याको आरोपमा धादिङका अर्जुन सापकोटालाई पोर्चुगलको प्रहरीले पक्राउ गरिसकेको छ । जिसिको पोर्चुगलमै अन्तिम संकार गरिएपनि परिवारको चाहना अनुसार अस्तु नेपाल ल्याईएको कार्कीले जानकारी दिए ।

Share:

प्रतिकृया दिनुहोस

© 2017 Setopati Sanchar Pvt. Ltd.