बेलायतमा नेपाली व्यवसायीले दुइटा केयर होम खरिद गरेका छन्।
१२ मिलियन पाउण्ड (२ अर्ब १२ करोड रूपैया) भन्दा बढीको लगानीमा खरिद गरिएको बिरा केयर होम्सका प्रबन्ध निर्देशक विपी खनालले बताए।
बेलायतको स्वास्थ्य सेवा क्षेत्रमा काम गरिरिहेको बिरा केयर होम्सले फेरि दुइटा नयाँ केयर होम थपेको हो।
कम्पनीले दक्षिण वेल्सको एब्बु भेल र इंग्ल्याण्ड हेरिफोर्डमा केयर थपेको हो। ति दुई केयर होममा कुल १२३ शय्या छन्।
'यी दुई केयर होममा मात्र २०० बढी कर्मचारी कार्यरत हुनेछन्। बिरा होम्स् कम्पनीमा हाल कार्यरत कुल कर्मचारी संख्या करिब ५०० पुगेको छ,' विपी खनालले भने।
उनले नर्सिङ होम र केयर होम गरी ७ वटा व्यवसाय सञ्चालन गरिरहेका छन्। यो बेलायतमा नेपाली मूलका व्यवसायीले सञ्चालन गरेको सबैभन्दा ठूलो केयर होम समूह बनेको छ।
अर्घाखाँचीमा जन्मिएका बिरा केयर होम्सका संस्थापक तथा प्रबन्ध निर्देशक बीपी खनाल सन् २००१ देखि बेलायत गएका हुन्। सन् २००४ मा लन्डन ह्यारोमा नेपालीका लागि शैक्षिक परामर्श कम्पनी कन्सल्टेन्सी खोलेका थिए।
पछि न्यूपोर्टमा पहिलो केयर होम खरिद गरेर स्वास्थ्य व्यवसाय सुरू गरेका हुन्।
उनले एभिन्यू रोड केयर होम, रोजेल केयर होम लगायत थुप्रै केयरहोम चलाइरहेका छन्।
