पछिल्लो २४ घण्टामा चीनमा कोरोना भाइरसका ६ जना नयाँ संक्रमित फेला परेका छन्।
फेला परेका संक्रमितमध्ये ५ संक्रमितमा कोरोनाको कुनै लक्षण देखिएको छैन।
चीनको नेशनल हेल्थ कमिसनले भेटिएकामध्ये पाँच जनामा कोरोनाका कुनै पनि लक्षण नभेटिएको जानकारी दिएको हो।
रोयटर्समा प्रकाशित समाचारका अनुसार एक दिन पहिला त्यहाँ ३ जना संक्रमित फेला परेका थिए।
जोन्स हप्किन्स विश्वविद्यालयको अनुसार हालसम्म चीनमा कोरोनाका ८४ हजार बढी संक्रमित फेला परेका छन् भने सोका कारण ४ हजार ६ सय ३८ जनाले ज्यान गुमाएका छन्।
हाल विश्वभरी महामारीको रूप लिएको कोरोना गत वर्ष वीनको हुबेई प्रान्तको वुहान शहरबाट फैलिन सुरू भएको थियो।
