वास्तविक प्रेमकथामा वास्तविक प्रेमजोडीलाई नै अभिनय गराउँदै निर्माण गरिएको 'बोबी' फिल्मको पहिलो गीत रिलिज भएको छ।
फिल्मले 'आँखाको नानी' बोलको गीत रिलिज गरेको हो।
सार्वजनिक गीतमा उमेश थापा तथा कविता गुरूङले आफ्नै कथामाथि निर्माण भएको गीतमा आफूलाई रोमान्टिक मुडमा पेस गरेका छन्।
वसन्त सापकोटाको शब्द तथा संगीत रहेको यस गीतमा राजेश पायल राई तथा दीपा लामाको युगल स्वर रहेको छ।
गीतको छाँयाकंन नर्वेमा गरिएको हो।
मिलन चाम्स निर्देशित फिल्ममा उमेश र कविताले आफ्नो जीवनमा भोगेको प्रेम, संघर्ष र सफलताको कथा छ ।
फिल्ममा यी दुईका अलावा विजय लामा, रुबी राणा शाह, देशभक्त खनाल, रश्मि भट्ट, रवि गिरी, सुरवीर पण्डित, बादल भट्ट, पुर्णिमा लामा, शिशिर राणा लगायतका कलाकारको अभिनय छ ।
चाम्स इन्टरटेनमेन्ट र लण्डन आई इन्टरटेनमेन्टको व्यानरमा निर्माण भएको ‘बोबी’मा संचारकर्मी नरेश भट्टराईको स्क्रिप्ट, नवराज कृष्ण थापाको छायाँकन, अर्जुन जिसीको सम्पादन र ताराप्रकाश लिम्बुको संगीत रहेको छ । फिल्मको रिलिज मिति असार २९ लाई तोकिएको छ ।
