नेपाल विश्वको मानचित्रमा कही कतै हराएजस्तो देश। सुन्दर शान्त विशाल भन्छौ हामी । सुन्दर अवश्य पनि अतिनै सुन्दर । शान्त ,यो शब्दको परिभाषा त्यति दिन आउँदैन मलाई। खै कस्तोलाई शान्त भनु बेला बेलामा अशान्तिका ज्वालाहरु उदाउने देश कहिले कृतिम त कहिले प्राकृतिक अशान्ति।
अहिले नेपाल आमा साच्चिकै रोएकी छन्, अशान्ति नै अशान्तले छाएको छ देशभरी कहिले भूकम्प कहिले बाढी र पहिरो त कहिले डुबान, यस समयमा जो जसले आ-आफ्नो ठाउँबाट सहयोग गरिरहनु भएको छ, उहाँहरुलाई मेरो हृदयदेखि सलाम।
र कुरा रह्यो बाँकी यस्तो दुःखदायी समयको फाइदा उठाउँदै वास्तविक अहिलेभन्दा पनि आयातित त विगतका कुनै ठाउँ विशेषका तस्विर देखाएर आफैं सहयोगको याचना गर्दै पैसा उठाउने धन्दा (खयर सबै जनाको वृर्कित मानसिकता हो भन्न खाजेको होइन) यहाँ सवैलाई आफैं हनुमान बन्न परेको छ, सहयोग गर्ने नाममा आफ्नो नाम देखाउन परेको छ अब फेरि देश विदेशमा एस्तै एउटा धन्दा चल्दै छ। दुर्दशाको फोटोको व्यापार।
व्यक्ति विशेष र संघ संस्थाको नाम उच्चारण नगर्दा नै राम्रो होला। प्रत्येक व्यक्तिले आफ्नो खल्तीबाट एक रूपैया या एक डलर या जति सुकै दाननै किन नहोस, हृदयदेखिनै प्रेमले पीडित व्यक्तीले पाओस भनेर दिएको हुन्छै भलै प्रत्येक व्यक्ति आफैं निश्चि गन्तव्यमा पुग्न सक्दैन उसलाई कोही न कोही माध्यमका आवश्यकता हुन्छ।
त्यो आवश्यकता निर्वाह गरिदिने व्यक्ति वा संस्थाको खाँचो यहाँ छैन यहाँ त सहयोग रकमको बागडोर सम्लाल्न सयौ संघ संस्था तथा व्यक्तिहरु जन्मिसकेका छन्। उनीहरु मध्ये कोही एक लाई सहयोग गरो २, ४ महिना पछि सुन्न थालिन्छ फलानो व्यक्ति वा संस्थाले त यति रकमको दुरुपयोग गरेछ। अनि धिकार्न मन लाग्छ ती दुःखी आत्मालाई जसले ती सोझा साझा अनि निर्धालाई ठगिरहेको छ।
यो पङ्तिकारको आशय यतिमात्र हो कि देश दुखेको बेला, मानवता पिडामा छटपटाइरहेको बेला सबैलाई सक्दो सहयोगको कुरा गर्नु सम्पूर्ण नागरिकको र्कतव्य हो तर यो मानवता तथा र्कतव्यको फाइदा उठाउँदै स्वच्छिक रूपमा सहयोग उठाउँदै व्यक्तिगत स्वार्थ मा लिप्त हुनेदेखि होसियार हुनै पर्छ।
विदेशमा बसेर सहयोग गरे पनि म बुझ्न सक्छु प्रत्येक डलर कसरी कमाएको छ। त्यसैले मेरो विनम्र अनुरोध छ । सहयोग गर्दा विशेष गरी त्यो व्यक्ति वा संस्थाले के, कसरी र कुन ठाँउमा के कस्तो सहायोग गरिदैछ भनि बुझेर मात्र सहयोग गरौ कुनै व्यक्ति वा संस्थालाइ कमाई खाने धन्दा नबनोस्। नेपालको बाढी पहिरो विनास सवैको जय हो।
