आगामी ११-१२ अगस्टका लागि तोकिएको एनआरएन अमेरिकाको निर्वाचन स्थगित भएको छ। एनआरएन अमेरिकाको निर्वाचन आयोगले एक सूचना प्रकाशित गर्दै उक्त जानकारी गराएको हो। अर्को सूचना नभएसम्मका लागि चुनाव स्थगित गरीएको निर्वाचन आयोगले जनाएको छ।
चुनाव स्थगनको कारण उक्त सूचनामा उल्लेख नभएता पनि उम्मेदवारको योग्यताका सम्बन्धमा जारी रहेको चरम विवाद र अमेरिकाका प्रवासी नेपालीहरुको भावना र चाहाना अनुरुप निर्वाचन स्थगनका लागि परेको दवाब र सुझावका कारण गत आईतबारदेखि आन्तरिक छलफल गरी निर्वाचन आयोग निर्णयमा पुगेको जानकारी प्राप्त भएको छ।
