इन्डोनेशियाको राजधानी जाकार्तामा मङ्गलबार ६.४ म्याग्निच्यूडको शक्तिशाली भूकम्प गएको छ।
मङ्गलबार बिहानको सो भूकम्पपछि ठूला भवन र कार्यालयहरूबाट नागरिकलाई सुरक्षित स्थानमा सारिएको छ। भूकम्पपछि प्रायः सुनामीको खतरा रहने गरेको इन्डाेनेिशयामा हालसम्म सुनामीको चेतावनी भने दिइएको छैन।
जाकार्ताका सरकारी कार्यालय भवनहरू मङ्गलबार खाली गरिएकाे छ। भूकम्पबाट भएकाे मानवीय तथा भौतिक सम्पत्ति क्षतिको विवरण अाइसेकेकाे छैन। यस भूकम्पको केन्द्रविन्दु जाभा द्वीपको बानटेन प्रान्तबाट ८१ किलोमिटर दक्षिण पश्चिममा १० किलामिटर गहिराईमा रहेको इन्डोनेसियाली भू–गर्भ विभागले जानकारी दिएको छ।
बिहान गएको यस भूकम्पपछि ठूलो सङ्ख्यामा सेना र प्रहरी परिचालन गरिएको छ। इन्डोनेशिया विश्वको अन्य भूगोलको तुलनामा भूकम्पको प्रकोपले बारम्बार सताउने देशमा पर्छ।